اسد الجزيره

مرحبا يا اللي تقرون ^_~

الصرحه هالفتره خف دخولي للنت .. بسبب ادماني على المسلسل الكويتي :

أسد الجزيره

اللي تم منع عرضه !

لكن الحمدلله قدرت اوصل حق نسخه مهربه !

انا وصلت للحلقه التاسعه ! << الـ DVD الرابع

والمسلسل عندي على 8 DVD's .. يعني 30 حلقه !

انا إلى الان ما شفت سبب مقنع يبرر المنع !

القصه محايده .. واللي كاتبها "شريده المعوشرجي " !

العمل بشكل عام .. قوي وضخم !

وهو من بطولة : محمد المصور , حياة الفهد , عبدالرحمن العقل , حسين المنصور , عبدالامام عبدالله , عبدالمحسن النمر . خالد البريكي ... إلخ من الممثلين الكبار !

لي باك اذا خلصت منه ^_~

المركز العلمي

مرحبا لكل من يقرى اللي بكتبه ^_^

قبل فتره ..

وديت عيال اخوي المركز العلمي ..

طبعاً المكان عجيب ويفتح النفس .. يعني بين فتره وفتره .. احب اطلع عيال اخوي او عيال اختي ..

لاني احب القعده بالاكواريوم واجابل السمج !

وبحطلكم شوية صور من اللي صورتهم من تليفوني .. سوني اريكسون K850i ^_~

عيال اخوي ووراهم المنظر اللي محد يمل منه ^_^

.

.

هذي صوره من نفس المكان تقريبا !

.

.

هذي خنافس .. نوع من الحشرات اللي بالبر !

هذي الحيه يسمونها " داب ابو قرون " !

شوفوها شلون دافنه نفسها !

اذكر مره كنا طالعين مع مجموعه كبيره من العايله نروح نلقط فقع .. ايام ماكان اكو ربيع وبر مثل الناس ... قبل لا تصير المحميات !

بس سالفه قبل اكثر من 10 سنين !

كنت اتمشى .. وكنت اشوف شي مرسوم على الارض .. شكله دوائر !

قعدت اقول منو المزاج اللي قاعد يشخبط على الارض !

وبعدين لما ركزت عبالي انه حبل استغربت انه يطلع صوت .. كنت بحركه برجلي .. بس الله ستر وما ادري منو قام يصيح عندي قالي انحااااش حيه !!

اهو قال حيه ... وانا قلبي طاح ببطني من الروعه !

جان اعطيها خوش نقزه وصلت منها فوق غمارة الجمس !

<< وقت الخرعه تصير سوبرمان ههههههههههههههههههههههههههههههههههه

طلعت حيه ام جرس !

المهم اخوي اخذ الشوزن ام خمس .. وعطها خوش رميه خلى دمها يطشر ^_^

بس .. يا حب الحريم للحجي الزايد .. بالغوا بالسالفه لين ما قالوا ان الحيه لدغتني هههههههههههههههههههههه

المهم الله ستر علي ذاك اليوم ^_^

واسف على الاطاله .. بس الحيه ذكرتني بهالسافه P-:

فريز !

مرحبا ..

طبعاً صيف .. وحر !
والكل مقزرها نوم ونت وهياته بالليل !

بس انا اذا شبكت ما استغنى عن مشروبي " فريز " !

P-:

وهذي صور للثلاجه اللي بالغرفه وفيها فريز .. وعصير وحليب وكاكاويات .. !

<< شغل تقزيره ههههههههههههههههههههههههههههههههه

هذي اقرب ..

وطبعاً كل ما قلت الكميه .. اروح " مركز سلطان " ... أو .. " كارفور " ^_~

طبعاً عندهم ينباع بـ 190 ... وعند ستابركس دبل الدبلات !

<< يعني ما ادري جم .. جنه بـ دينار او شي جذي .. بس سعر مو بالعقل هههههههههههههههههههه

برشلونه !

! Barça


في البدايه احب اوضحلكم اني مشجع برشلوني إلى درجة الجنون

<< يعترف بخباله هههههههههههههههههههههههه

واحب اوريكم اخر شي شريته .. يخص برشلونه شريت اللبس الجديد لبرشلونه من فتره .. طلبته من النت تاريخ 16/7 ... والموقع نفسه شريت منه السنه اللي طافت ^_~

على فكره .. البس الجديد اللي شريته .. لي الحين ما نزل بالكويت !

<< عباله مسوي انجاز ! ههههههههههههههههههههههههه

لبس برشلونه الاساسي .. اللي ينقسم نصين .. أحمر و أزرق يعني مو على العاده .. انه يكون مخطط بهذي الألوان !

هذي الحركه يعني .. يمكن يكون نوع من التفائل .. لان هذي الحركه كانت تقريباً مشابهه لموسم 1998-1999 بأحتفالية مرور 100 عام على انشاء النادي !!

.

.

هذي من ورى .. على اسم لاعبي المفضل .. وحبيب قلبي " تشافي " .. لاني متفائل فيه .. اول شي .. انا رقمي المفضل .. 6 .. وهذا لاعبي المفضل .. ولما شريت تيسيرت برشلونه السنه اللي طافت .. قدم موسم يعتبر الافضل بتاريخه .. وانهاها بفوزه مع منتخب اسبانيا بلقب بطولة يورو 2008 .. وحصل فيها على جائزة افضل لاعب ^_^

.

.

هذا اللبس الثاني .. الاصفر .. اللون اللي يتفائل فيه برشلونه .. لان كان لبسه الثاني اللي ما خسر فيه ولا مره في موسم 2005-2006 .. يوم ياخذ لقبه الثاني بـ بطولة " أبطال اوروبا " .. وحرقة الخط الاحمر والازرق .. تمثل ألوان النادي .. وهذي الحركه سووها بالسبعينيات !

.

.

هذي من ورى .. على اسم ورقم اللاعب الارجنتيني الموهوب .. ميسي .. ويعتبر من افضل اللاعبين بالعالم .. حالياً .. وان شالله يكون دايهم اهو الافضل ^_^

بس اللي قهرني انه يمكن يغير رقمه وياخذ رقم 10 ... عقب ما طلع رونالدينيو من برشلونه وراح ميلان ><"

.

.

هذي صوره جماعيه هههههههههههههههههههههههههههههههههههههههه

.

.

صور منوعه !

نظره عامه لـ مجموعة اشيائي البرشلونيه ^_^

.
.

نظره اقرب P-:

ههههههههههههههههههههههههههههههههههههههههه

.

.

هذي صوره لسيارتي القديمه .. حق موسم 2006-2007

نظره اقرب ^_^

.

.

وهذي من موسم 2007-2008

وهذي نظره اقرب ^_~

.

.

هذي الميداليه اللي كانت موجوده فيها .. ولا تزال موجوده بسيارتي الجديده ^_^

.

.

والحين ..

عرفتوا شنو اقصد لما قلت اني احب برشلونه .. لحد الجنون ؟! .. P-:

هههههههههههههههههههههههههههههههههههههههههههههههههههههههههههههههههههههههههههه

اتمنى عجبتكم الصور .. ^_^

سوق شرق

(سوق شرق - منظر عام )

حبيت احطلكم هذي الصور حق سوق شرق .. ويعتبر واحد من اكبر المجمعات بالكويت ويحتوي على العديد من مرافق الترفيه مثل .. السوق .. الكافيهات داخليه وخارجيه .. المطاعم .. ثلاث سينمات .. قعدات مطله على البحر .. سوق السمك والخضار واشياء ثانيه ^_^

.

.

( صوره من المسرح الروماني )

.

.

( الساعه المائيه داخل سوق شرق )

كانت الساعه وقتها 11:57 الظهر ... يعني اشوه إني شنصت ولحقت عليها .. لان بس تصير الساعه 12 ... الماي اللي فيها كله ينزل بالكوره اللي تحت ! ^_^

.

( منظر من داخل - من فوق )

.

( واحد من الكافيهات الموجوده بالسوق )

اتمنى عجبتكم الصور ... وان شالله القادم اكثر واحلى ^_~

.

الشارع

هذي صوره صورتها المغرب ... على طريق الملك فهد ... صوب القرين والقصور ..

من تصوير تليفوني .. سوني اريكسون K850i

^_^

الحراره اليوم !!

هذي صوره صورتها اليوم الظهر .. وانا سافط بمسافط مستشفى المبارك !

هذي الكويت ... صل على النبي !

افتتاح ألبوم " صوره "

السلام عليكم

احب اعلن افتتاح البلوق واللي راح يكون اغلب شي فيه ... صور من حياتي اليوميه .. سواء جديده كانت أو قديمه

وهي عباره عن ذكريات ومواقف حلوه .. أتمنى تستمتعون فيها .. ^_^


وان شالله راح احط كل شي قريباً ... ^_~

C U